İngiltərənin "Liverpul" klubu gürcüstanlı qapıçı Georgi Mamardaşvilini növbəti mövsümdə icarəyə vermək qərarına gəlib.

Axar.az xəbər verir ki, mersisaydlılar komandanın braziliyalı qolkiperi Alisson Bekeri isə heyətdə saxlamağı planlaşdırır.

33 yaşlı qapıçı gələn mövsümdə də "Liverpul"un əsas heyət üzvü olaraq qalacaq. Bildirilir ki, İtaliyanın "Yuventus" klubu A.Bekerin transferində maraqlı olsa da, İngiltərə təmsilçisinin rəhbərliyi onu buraxmamaq qərarına gəlib. Təcrübəli oyunçular Endryu Robertson və Məhəmməd Salahın gedişindən sonra uzun illərdir əsas heyətdə çıxış edən qolkiperin saxlanılmasına qərar verilib.

Qeyd edək ki, qolkiper 2018-ci ildən "Liverpul"un formasını geyinir.