Xəbər verdiyimiz kimi, “Sabah” tarixində ilk dəfə avrokubokların liqa mərhələsinə vəsiqəni təmin edib.

Axar.az Qol.az-a istinadən xəbər verir ki, bu, UEFA Çempionlar Liqasının 2-ci təsnifat mərhələsindən sonra rəsmiləşib.

Finlandiyanın “KuPS” klubunu mübarizədən kənarlaşdıran (1:0, 2:0) Azərbaycan çempionu 3-cü təsnifat mərhələsinə yüksəlib. Bununla da paytaxt təmsilçisi qitə kuboklarından birinin liqa mərhələsində yerini təmin edib. Komandanın UEFA Çempionlar Liqası, UEFA Avropa Liqası və ya UEFA Konfrans Liqasında oynayacağı növbəti iki mərhələdən sonra dəqiqləşəcək.

PFL-in yaydığı məlumata görə, qitə miqyaslı turnirlərdə 2023/24 mövsümündə debüt edən “Sabah” buna avrokuboklardakı 4-cü mövsümündə nail olub. “Sabah” Azərbaycan futbolu tarixinə qitə kuboklarında əsas mərhələyə yüksələn 4-cü komanda kimi düşüb. Bunadək üç komanda - “Neftçi”, “Qarabağ” və “Qəbələ” ümumilikdə 15 dəfə belə uğura imza atıb.

“Neftçi” – 1 dəfə

UEFA Avropa Liqası – 2012/13

“Qarabağ” – 12 dəfə

UEFA Avropa Liqası – 2014/15

UEFA Avropa Liqası – 2015/16

UEFA Avropa Liqası – 2016/17

UEFA Çempionlar Liqası – 2017/18

UEFA Avropa Liqası – 2018/19

UEFA Avropa Liqası – 2019/20

UEFA Avropa Liqası – 2020/21

UEFA Konfrans Liqası – 2021/22

UEFA Avropa Liqası – 2022/23

UEFA Avropa Liqası – 2023/24

UEFA Avropa Liqası – 2024/25

UEFA Çempionlar Liqası – 2025/26

“Qəbələ” – 2 dəfə

UEFA Avropa Liqası – 2015/16

UEFA Avropa Liqası – 2016/17

“Sabah” – 1 dəfə

Avrokuboklar - 2026/27