“Real”ın və Portuqaliya millisinin hücumçusu Kriştiano Ronaldo suriyalı uşaqlara videomüraciət edib.

Qol.az-ın xəbərinə görə, “Save the Children” (Uşaqları qoruyaq) adlı beynəlxalq təşkilatının təşəbbüsü ilə edilən bu müraciətdə deyilir:

“Mən bu müraciəti Suriyadan olan uşaqlara ünvanlayıram. Bilirəm ki, siz indi çox əzab çəkirsiniz. Mən məşhur futbolçuyam, siz isə əsl qəhrəmanlarsınız. Ümidinizi itirməyin. Dünya sizinlədir. Biz sizi düşünürük. Mən sizinləyəm”.

“"Uşaqları qoruyaq" təşkilatı bəyan edib ki, Ronaldo Aleppo və Suriyanın digər şəhərlərindən olan uşaqlar üçün yaxşı səviyyədə maddi yardım edib. Bu yardımla onlara geyim, ərzaq və tibbi ləvazimat alınacaq.