Azərbaycanlı iş adamı Hafiz Məmmədov İngiltərənin ikinci liqa (Championship) təmsilçisi "Sheffield Wednesday" futbol klubunu almağa hazırlaşır.

Bu barədə yayılan xəbərləri BBC də təsdiqləyib. Radionun yaydığı məlumata görə, klubun hazırkı sahibi Milan Mandarik bir müddətdir ki, Məmmədovla danışıqlar aparır.

Mandarik kluba sahib çıxacaq adam axtarışında idi, lakin o həmişə qeyd edib ki, komandanı yalnız ona yatırım edəcək birinə satacaq.

"Baglan Qrup"un təsisçisi və sahibi olan Məmmədov həmçinin Azərbaycanın "Bakı" futbol klubu və Fransanın Birinci Liqasında çıxış edən "Lens"ın sahibidir.

"Bayquşlar" (Sheffield Wednesday) keçən mövsum Çempiyonşipi 16-cı bitirib.

"Portsmouth" və "Leicester" klublarının keçmiş sahibi olan Mandaric "Sheffield Wednesday" klubunu 2010-cu ilin dekabrında alıb.