"Biz erkən qol vurmağa çalışırdıq".

Apasport.az saytının məlumatına görə, bu sözləri Avropa Liqasının qrup mərhələsində "Qarabağ"ın rəqibi "Sent-Etyen"in baş məqşçisi Kristof Qaltye deyib.

Ötən gün Fransa klubu ölkə çempionatının çempionatının VI turunda səfərdə azərbaycanlı iş adamı Hafiz Məmmədovun sahibi olduğu "Lans"la üz-üzə gəlib. Qarşılaşmadan sonra təcrübəli məşqçi rəqiblərini minimal hesabla (1:0) məğlub etmələrinə şərh verib.

Qaltye bildirib ki, Avropa Liqasında "Qarabağ"la oyunda qol buraxmamalarından danışıb: "Matçda"Lans" bizim təzyiqimiz altında idi. Qol vurmaqda çox çətinlik çəkdik. Daha sonra vəziyyəti düzəltməyi bacardıq. Fasiləyə qədər istədiyimiz oyun alınmadı. İkinci yarıda isə səylərimizi artırıb, qol vurduq. Çünki biz qələbəyə layiq idik. Bizim üçün çox yaxşı həftə oldu. Həm Avropa Liqasında "Qarabağ"la oyunda qol buraxmadıq, həm də bu görüşdə. Biz rəqiblərimizi asanlıqla məğlub etməyi bacararıq, buna şübhə belə yoxdur. Daha da ciddi oynamaq lazımdır".

Qeyd edək ki, "Qarabağ" – "Sent-Etyen" oyunu 0:0 hesabı ilə yekunlaşmışdı.