Avstraliyanın Pert şəhərində cüdo üzrə Okeniya turnirinə start verilib.

Axar.az xəbər verir ki, yarışın ilk günü cüdoçumuz Nicat Şıxəlizadə gümüş medal qazanıb.

66 kq çəki dərəcəsində mübarizə aparan N.Şıxəlizadə Böyük Britaniya, Avstraliya, Braziliya və Almaniya cüdoçularına qalib gələrək, finala çıxıb. Həlledici görüşdə ispaniyalı Martin Qaiteroya məğlub olan cüdoçumuz turnirin gümüş medalı ilə kifayətlənib.

Qeyd edək ki, Avstraliyada 66 ölkədən 310 cüdoçu mübarizə aparır. Azərbaycanı bu yarışda 9 cüdoçu təmsil edir.

Sözügedən yarış Tokio Yay Olimpiya Oyunlarına lisenziya xarakteri daşıyır.