Azərbaycanda "Topaz" bukmeyker kontorları ləğv edilə bilər.

Axar.az-ın xəbərinə görə, idman qumarının yığışdırılması ilə bağlı parlamentdə növbəti dəfə təşəbbüs qaldırılıb.

Milli Məclisin fevralın 2-də keçirilən iclasında deputat Qüdrət Həsənquliyev də idman mərc oyunlarının ləğvini təklif edib:

"Nə qədər ailələrin uşaqları bu bəlaya düçar olub. Bu oyunların ləğv olunması çox vacibdir. Bir vaxtlar Heydər Əliyev çox yaxşı ki, Azərbaycanda kazinoları yığışdırdı. O, bu addımı ilə çox ailəni, çox gənci bəladan xilas etdi. İndi isə idman mərc oyunları ailələrdə problemlər yaradıb".

Deputat bu oyunların ləğv edilməsini, bunun əvəzində keçmişdə olduğu kimi "super loto" kimi oyunların keçirilməsini təklif edib. Onun təklifinə reaksiya verən spiker Oqtay Əsədov da deyilənlərlə razı olduğunu bildirib.