Britaniya mətbuatı "Qarabağ" haqda yazı dərc edib.

Axar.az xəbər verir ki, məqalədə "İnter" - "Qarabağ" oyunu zamanı qonaq komandanın futbolçusu Elvin Məmmədovun penaltini bilərəkdən kənara vurması alqışlanıb.

Qol.az yazıb ki, İngiltərənin nüfuzlu "Mirror" qəzeti məhz bu fakta toxunub.

Hakim "İnter"in qapısına penalti təyin edib. Ağdam klubunun baş məşqçisi Qurban Qurbanov isə penalti qərarının onda şübhə doğurduğunu əsas gətirərək E.Məmmədovdan zərbəni qapıya deyil, kənara vurmağı tələb edib.

"Bu, əla bir addımdır və ən yüksək tərifə layiqdir. Deməli, yaxşı addımların da mükafatı olurmuş. Penalti ilə bağlı hadisədən sonra "Qarabağ" daha bir qol vuraraq 2:0 hesabı ilə qalib gəldi", - deyə qəzet yazıb.