"Bavariya" 35 yaşlı yarımmüdafiəçi Tomas Müllerin X sosial media hesabında cari mövsümün sonunda klubu tərk edəcəyi ilə bağlı açıqlamasına münasibət bildirib.

Axar.az xəbər verir ki, klubun açıqlamasında Müllerin iyul ayında “Bavariya”nın heyətində son oyununu keçirəcəyi qeyd olunub:

"Almaniya rekordçusu Müller karyerasını öz vida oyunu ilə qeyd edəcək. Həmçinin qərara alınıb ki, ikiqat trebl sahibi və dünya çempionu ABŞ-da iyunun 15-dən iyulun 13-dək keçiriləcək Klublararası Dünya Çempionatında "Bavariya"nın heyətində son oyunlarını keçirsin".

Qeyd edək ki, T.Müller 2000-ci ildən "Bavariya"nın heyətində çıxış edir. Bu müddət ərzində yarımmüdafiəçi bütün turnirlərdə 743 oyunda iştirak edib, 247 qol vurub, 273 məhsuldar ötürmə edib. Münhen komandasının heyətində Müller 12 dəfə Almaniya çempionu, 2 dəfə isə Çempionlar Liqasının qalibi olub.