ABŞ fondu yeni maliyyə böhranının mümkün səbəblərini açıqlayıb.

Maliyyə bazarlarında yüksək borclanmanın aşağı volatilliklə müşayiət olunması yeni maliyyə böhranına səbəb ola bilər.

Report xəbər verir ki, bu barədə məlumat ABŞ-ın 30 mlrd. ABŞ dolları aktivləri idarə edən "Baupost Qrup" hedc fondu tərəfindən yayılıb. Fond araşdırmasında bildirib ki, volatilliyin artması maliyyə bazarlarında fəaliyyət göstərən fondların milyardlarla dollar aktivlərini satışa çıxarmalarına səbəb olacaq.

"Biznes daxili" ("Business İnsider") jurnalındakı digər araşdırmada qeyd edilib ki, aşağı volatillik zamanı investorlar levereclərini, yəni borc/kapital əmsalını yüksəldirlər. Bu isə gələcəkdə problemlərə gətirib çıxara bilər.

"Baupost"un prezidenti Cim Muni (Jim Mooney) volatillik aşağı olduqda investorların daha çox riskə getdiklərini bildirib. Prezidentin sözlərinə görə, volatilliyin artması durumunda maliyyə bazarlarında 100 milyardlarca dollarlıq aktivlərin satışları başlaya bilər. Bu satışlar zəncirvari şəkildə digər satışları təhrik edə bilər.