Axar.az
Yuxarı

Axar.Az Logo

“Premium” bahalaşdı, Aİ-92-ni nə gözləyir?

Ana səhifə İqtisadiyyat
12 Punto 14 Punto 16 Punto 18 Punto

"Neftin dünya bazarında qiymətinin iyulun 5 ilə bu gün arasındakı nisbətini müqayisə etsək, cüzi dəyişikliyin olduğunu görərik".

Bunu Axar.az-a "Premium" markalı benzinin qiymətinin qalxması ilə bağlı məsələləri şərh edən iqtisadçı alim Vüqar Bayramov bildirdi:

""Premium" markalı benzinin qiymətini Tarif Şurası müəyyənləşdirir. Dünya bazarında neftin qiymətinin dəyişməsindən asılı olaraq Premium markalı benzinin qiyməti dəyişir. Premium markalı benzin bazar tərəfindən müəyyənləşir. Çünki Tarif Şurası onu tənzimlənən qiymətlər siyahısından çıxarıb. Son qiymət artımları dünya bazarında neftin qiymətinin yüksəlməsi ilə bağlıdır. Neftin dünya bazarında qiymətinin ciddi artımları yoxdur. Son bir ildə dünya bazarında "Brend" markalı neftin qiyməti təxminən 105 dollara satılıb. Dünya bazarındakı statistik göstəriciyə fikir versək görərik ki, son 1 ildə qiymətdə o qədər də artım yoxdur. Nəzərə almaq lazımdır ki, beynəlxalq müqavilələrdə neftin 1 barelinin qiyməti bu gün 111 dollar götürülür. Dünya bazarında neftin qiymətinin qalxmasından asılı olaraq benzinin qiymətində artımlar və azalmalar mümkündür. Hazırda nə nəqliyyat xərclərində, nə neftin ölkəyə idxal edilməsində hər hansı dəyişiklik yoxdur. Neftin dünya bazarında qiymətinin iyulun 5 ilə bu gün arasındakı nisbəti müqayisə etsək, cüzi dəyişikliyin olduğunu görərik. Belə ki, iyulun 5-də "Brend" markalı neft 110 dollara satılırdısa, hazırda dünya bazarında neftin qiyməti 105 dollardır. Bir ay ərzində cəmi 5 dollar enib. Baxmayaraq ki, "Premium" benzinin qiyməti dünya bazarında uyğun olaraq dəyişdirilir və yalnız "future" (gələcək) müqavilələr üçün benzinin qiymətinda artım var".

Ekspert Aİ-92 markalı benzinin qiymətində tezliklə dəyişiklik olması ehtimalının az olduğunu deyir:

"Ai-92 markalı benzinin qiyməti Tarif Şurası müəyyənləşdirir və bu, benzin tənzimlənən qiymətlər siyahısına daxildir. Ai-92 markalı benzinin qiymətinə faktik olaraq dünya bazarındakı qiymət dəyişiklikləri və digər faktorlar təsir göstərmir. Çünki bu tənzimlənən qiymətlərdir və tənzimlənən qiymətlər olduğu üçün bu qiymətlər yalnız Tarif Şurasının müəyyənləşdirdiyi tariflər əsasında dəyişilir. Ona görə də hələlik Aİ-92 markalı benzinin qiymətində hər hansı dəyişiklik gözləmirik. Çünki dünya bazarında neftin qiymətində müəyyən azalmalar olsa da, kəskin azalmalar yoxdur. Son 1 il ərzində neftin dünya bazarındakı qiyməti dəyişməyib və onun qiyməti hər barel üçün 100 dollardan artıqdır. İndiki halda Aİ-92 markalı benzinin qiymətinin aşağı salınması, eyni zamanda artımı da gözlənilmir. Çünki bunu Tarif Şurası müəyyənləşdirir və Tarif Şurasının hər halda yaxın zamanlarda 92 markalı benzinin qiymətinə baxacağı və qərar qəbul edəcəyi proqnozlaşdırılmır".

Xatırladaq ki, ötən gündən etibarən "Premium" markalı benzinin qiyməti 93 dollardan 97 dollara qalxıb.

Tarix
2014.08.06 / 20:16
Müəllif
Ülkər Cəfərova
Şərhlər
Digər xəbərlər

BirKart sahiblərinə şad xəbər

Neft 75 dollara qalxdı

“Qrandmart” və “Karvan"da qanun pozuntuları aşkarlandı

Şimal-Cənub dəhlizi ilə ilk qatar yola düşdü

“Müştəri Bank Mobile” - biznes üçün yeni mobil bankçılıq tətbiqi

Qanunsuz işləyən heyvan kəsimi məntəqələri aşkarlandı

Dolların bu günə olan məzənnəsi

Neft həftəyə bu qiymətlə başladı

Moldova ilə ticarət dövriyyəsinin həcmi açıqlandı

Neft həftəni bu qiymətlə yekunlaşdırdı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla