"Rotşild" şirkəti Ukrayna Prezidenti Pyotr Poroşenkonun biznesinin satışı ilə məşğul olacaq.

Axar.az "Korrespondent"ə istinadən xəbər verir ki, bu barədə "Rotshild & Cie" şirkətinin icraçı direktoru və həmsədri Covanni Salvetti bildirib.

Onun sözlərinə görə, Poroşenkonun səhmlərinin satışına gələn həftədən başlanılacaq.

"Biz bu gün çox gözəl xəbər almışıq, sevinirik ki, bizə çox vacib rol veriblər. Bizim şirkət birləşmə və səhmlərin udulması məsələsində dünyanın ən aparıcı məsləhətçilərindən biridir. İndi biz "Rotşild"in iştirakı ilə yerli partnyorlarımız olan Ukrayna investisiya kapitalı ilə müqavilənin hazırlıq prosedurunu başa çatdırırıq. Əsas iş gələn həftədən başlayacaq", - Salvetti deyib.

Qeyd edək ki, Poroşenko Ukraynada iri biznesə sahib olan ilk prezidentdir.