Rusiya şirkəti olan"Lukoyl" Transneftdən Ukraynada yerləşən "DP Prikarpatzavadtrans" şirkətini alacaq.

Axar.az xəbər verir ki, bu barədə informasiyanı Rusiyanın "Vedemosti" qəzeti yayıb. Məlumatda Rusiya Federasiyası Prezidenti Vladimir Putinin bu məsələyə öz razılığını bildirdiyi deyilir.

"Lukoyl"un "Prikarpatzavadtrans" şirkətini aldıqdan sonra yükünü və əməliyyatını təmin edəcək olan boru kəmərlərinin Rusiya –Avropa konsorsiumuna veriləcəyi qeyd olunur. Konsorsiuma nəzarət isə "Lukoyl"da qalacaq.

Qeyd edək ki, "Transneft"in boru kəmərlərinə olan mülkiyyət hüququ 2005-ci ildən mübahisəlidir. Daha öncə bu boru kəmərləri RSFSR-in Energetika Nazirliyinin tabeliyində idi. Hazırda isə Rusiya şirkəti "DP Prikarpatzavadtrans"a məxsusdur. 2011-ci ildə isə Roven əyalətinin məhkəməsi neft borularını Rusiya şirkətindən alaraq Ukraynaya verib. Lakin 2014-cü ildən Roven əyalətinin apelyasiya məhkəməsi iddianı rədd edərək qərarı ləğv edib.

Xatırladaq ki, "Lukoyl" şirkətinin prezidenti azərbaycanlı milyarder Vahid Ələkbərovdur və o, az öncə Ukraynadakı şirkətlərini satmışdı.

Şübhə yoxdur ki, Ukraynadan çıxan "Lukoyl"un yenidən bu ölkəyə dönməsi tapşırığı Putindən gəlib.