Mövcud şəraitdə pandemiyadan ən çox zərər çəkən fəaliyyət sahələrinin, o cümlədən iqtisadi artımı və məşğulluğu formalaşdıran əsas sahələrin müəyyənləşdirilməsi, ölkənin iqtisadi və maliyyə dayanıqlığının gücləndirilməsi, dövlət tərəfindən atıla biləcək addımların və dəstək tədbirlərinin istiqamətlərinin dəqiqləşdirilməsi üzərində intensiv iş aparılır.

Axar.az xəbər verir ki, bunu İqtisadiyyat naziri Mikayıl Cabbarov bildirib.

O qeyd edib ki, bu məqsədlə yaradılmış işçi qrup tərəfindən ilkin mərhələdə ən çox mənfi təsirə məruz qalmış təxminən 12 fəaliyyət sahəsi müəyyən edilib.

Nazirin sözlərinə görə, bunlar turizm, otel, iaşə, əyləncə, nəqliyyat, ticarət mərkəzləri və s. sahələrdir.