TANAP-multiİntertek servis şirkəti Transanadolu boru kəmərinin (TANAP) tikintisi dövründə boru kəmərlərinin keyfiyyəti, texniki təftiş və sınaqdan keçirilməsinə nəzarət üzrə işlər üçün TANAP konsorsiumu ilə 2 illik müqavilə bağlayıb.

Axar.az Caspian Barelə istinadən xəbər verir ki, bu barədə İntertek şirkətinin saytında məlumat verilib.

İntertek şirkətinin regional direktoru İqor Obodanın sözlərinə görə, müqavilənin imzalanması bir daha texniki xidmətlərin göstərilməsi sahəsində şirkətin böyük potensialını təsdiqləyir.

"Boru kəmərinin keyfiyyəti və bütövlüyü onun təhlükəsiz işinin təmin edilməsi, xərclərin və qazla çirklənmə risklərinin minimuma endirilməsi üçün vacib amildir. Biz səbirsizliklə TANAP ilə birgə işi gözləyirik", - deyə o bildirib.

İntertek şirkətinin Türkiyə və Azərbaycandakı direktoru Dilək Yalçın: "Biz bu strateji layihənin uğurla həyata keçirilməsinə öz töhfəmizi verdiyimiz görə çox xoşbəxtik", - deyə qeyd vurğulayıb.

Qeyd edək ki, İntertek-130 il ərzində 100-dən çox ölkədə fəaliyyət göstərən beynəlxalq şirkətdir. Bu gün şirkətdə təxminən 38 min işçi çalışır.