Yuxarı

Yunanıstan süqut edir: Rusiya, yoxsa avrozona?

Ana səhifə İqtisadiyyat
12 Punto 14 Punto 16 Punto 18 Punto

"Rusiya Mərkəzi Bankının bu gün keçiriləcək növbəti toplantısında ciddi qərarlar açıqlanacaq".

Axar.az xəbər verir ki, bu barədə iqtisadçı ekspert Natiq Cəfərli açıqlama verib. Bildirib ki, çox güman Rusiya Mərkəzi Bankı uçot-faiz dərəcəsini aşağı salacaq:

"Bu günə olan uçot dərəcəsi - 14 faiz - çox yüksəkdir. Ona görə də Rusiyada kreditlər xeyli bahalaşıb, biznesin kredit resurslarına çıxış imkanları məhdudlaşıb. MB rubl kəskin ucuzlaşan zaman məcburən faiz dərəcəsini bir gündə 17 faizə qədər qaldırdı ki, rublun dəyərsizləşməsinin qarşısını alsın. Bu isə kreditlərin bahalaşmasına səbəb oldu. İndi Rusiya hökuməti, biznes çevrələri MB-yə təzyiq edir ki, uçot dərəcəsini ən az 12 faizə salsın. Çox güman ki, bu gün Bank belə bir qərar verəcək. Bu isə rus rublunun kəskin ucuzlaşmasına gətirib çıxaracaq. Rusiya hökuməti rublun dollara qarşı 55-60 aralığında olmağında maraqlıdır. Ona görə də, indi kimin əlində rubl varsa, axşama qədər dollara dəyişsə, daha yaxşı olar.

Dünyada əsas izlənilən valyuta məzənnəsi dollar-avro nisbətidir. Son 1 həftədə dollar avro qarşısında xeyli zəiflədi. Buna səbəb ABŞ FRS-nin uçot-faiz dərəcəsinin qaldırılmasını ertələməsi oldu. Dünən FED toplantısı oldu və dəqiq bilinən odur ki, 2015-də faiz dərəcəsi artacaq. Amma ola bilər ki, bu, iyunda deyil, sentyabrda baş versin. Bu isə dolların bahalaşmağına səbəb oldu".

Ekspert bildirib ki, hazırda Yunanıstan böyük təhlükə qarşısındadır və Avrozonadan hər an çıxa bilər:

"Avronun daha ağır bir dərdi var – Yunanıstan. Yunanıstanın Avrozonadan çıxma ehtimalı xeyli yüksəlib. Afina 12 maya qədər ciddi qərar verməlidir: ya AB-nin təklif etdiyi şərtlərlə müqavilələri imzalamalı, ya da özünü bankrot elan etməlidir. 12 maya qədər Afina 750 milyon avro borc qaytarmalıdır ki, onların da buna imkanı yoxdur. Yəni Çipras hökuməti AB paketini imzalasa, seçicilərini, səsləri itirəcək, imzalamasa, Yunanıstan bankrot elan olunacaq ki, bu da avronun kəskin ucuzlaşmasına səbəb olacaq. Yunanların 330 milyard avro ümumi borcu var. Afinanın Avrozonadan çıxması və iflasın elanı avronun 15-20% dəyər itirməsi ilə nəticələnə bilər. Yəni yaxın zamanlarda dolların avro qarşısında yeni yüksəliş trendini izləyə bilərik. Əslində bu, AB ölkələrinə sərf edir: "ucuz avro bərabərdir daha çox ixrac" formulu işləyəcək.

Maraqlı bir detal isə, ən böyük totalizator şirkəti olan "Villiam Hill" aprelin 23-dən sonra Yunanıstanın Avrozonadan çıxmasına qoyulan stavkaları artıq qəbul etmir, çünki bu o qədər realdır ki, stavka qoyanların sayı kəskin artıb və şirkət də uduzacağından çəkinərək stavkaları dayandırıb".

Tarix
2015.04.30 / 14:49
Müəllif
Aygün Yusibova
Şərhlər
Digər xəbərlər

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla