Azərbaycan 2015-ci ildə Gürcüstan iqtisadiyyatına 542 milyon ABŞ dolları həcmində sərmayə yatırıb.

Axar.az xəbər verir ki, bu barədə Gürcüstanın Dövlət Statistika Xidməti məlumat yayıb.

Bu göstərici ilə Azərbaycan Gürcüstana sərmayə qoyan xarici investorlar sırasında birinci yerdədir. İkinci yerdə 198 milyon dollar investisiya ilə Böyük Britaniya dayanır.

Xidmətin məlumatına görə, ümumilikdə ötən il Gürcüstan iqtisadiyyatına 2,4 milyard dollar sərmayə yatıırılıb. Bunun 1,3 milyardı xarici sərmayələrdir. Ölkə iqtisadiyyatına qoyulan xarici sərmayənin həcmi 2014-cü illə müqayisədə 23 faiz azalıb.