Azərbaycan Dillər Universitetinin (ADU) Tələbə Həmkarlar İttifaqı Komitəsi (THİK) abituriyentlər üçün yazı müsabiqəsi keçirir.

ADU-dan Kult.az-a verilən məlumata görə, “Abituriyentlərlə İş Departamenti” yazı müsabiqəsi universitet haqda abituriyentlərin daha dolğun şəkildə məlumatlanması məqsədilə təşkil edilib.

Müsabiqəyə abituriyentlər Azərbaycan Dillər Universitetində baş tutan uğurlu layihələr, beynəlxalq əlaqələr, mərkəzlər, xaricdə təhsil proqramları, tədris olunan dillər, fakültələr, ixtisaslar, ADU Tələbə Həmkarlar İttifaqı Komitəsi, o cümlədən tələbə həyatı və fəxri məzunlarla bağlı ümumiləşdirilmiş araşdırma yazılar təqdim edə bilərlər.

Ən yaxşı araşdırma yazılar ADU THİK tərəfindən mükafatlandırılacaq.

Mükafatlar:

I yer - notbuk, diplom

II yer - planşet, diplom

III yer - mobil telefon, diplom

IV-X yerlərin sahiblərinə müxtəlif hədiyyələr və Təşəkkürnamə təqdim ediləcək.

Yazılar “Vord” formatda “Tayms nyu roman” şrifti ilə 14 ölçüdə yazılmalıdır. Yazının həcmi 1500 (min beş yüz) sözdən çox olmamalıdır.

Müsabiqədə ölkə üzrə bütün ümumtəhsil müəssisələrində təhsil alan 9, 10 və 11-ci sinif şagirdləri iştirak edə bilərlər.

Yazılar 31 may 2020-ci il tarixinədək [email protected] ünvanına göndərilməlidir.

Qaliblərin iyul ayının ilk həftəsində mükafatlandırılması planlaşdırılır.