Doğum günümə öz kitabımı hədiyyə etmək istəyirdim. Kitabı hazırladım, amma çapı gecikdi. Ad günümə hazır olmadı.

Bunu Kult.az-a açıqlamasında şair Rüstəm Behrudi doğum günü təəssüratlarını bölüşərkən deyib. Rüstəm Behrudi bildirib ki, haqqında bəhs etdiyi kitab ingilis dilindədir:

"Ümid edirəm ki, kitab payız aylarında işıq üzü görəcək. Bir az kecikə bilər. Doğum günümü isə ailə üzvlərimlə, bacı-qardaşlarımla birgə keçirdik. Qardaş-bacılarım gecə saat 12-də gəldilər. Ad günümü təbrik üçün gecə yarısı qapımı döydülər. Oturub dərdləşdik, bir az söhbət etdik. Sadə bir ad günü keçirirəm. Artıq 63-ü tamamladım".

Qeyd edək ki, Rüstəm Behrudi 12 sentyabr 1957-ci ildə Ordubadın Behrud kəndində anadan olub. Mahmud Kaşğarlı mükafatı laureatıdır.