Dünya şöhrətli musiqiçi Pol Makkartni bu yaxınlarda Böyük Britaniyada qələbə qazanan Mühafizəkarlar Partiyasına etiraz edib.

Axar.az xarici mətbuata istinadən xəbər verir ki, əfsanəvi "Bitlz" qrupunun keçmiş üzvü sözügedən partiyanın heyvanları qorumadığından şikayətlənib. Onun sözlərinə görə, Mühafizəkarlar heyvanları ovlamaq icazəsi verməklə böyük vəhşilik edirlər və xalq buna qarşı çıxmalıdır:

"Britaniya xalqının əksəriyyəti müxtəlif səbəblərdən Mühafizəkarlar Partiyasını dəstəkləyir, amma heyvanların ovlanmasına yenidən icazə verilsə, biz bu partiyaya etiraz edəcəyik. Heyvanların ovlanması vəhşilikdir. Partiya buna icazə verməklə mənim və mənim kimi minlərlə heyvansevər insanın dəstəyini itirəcək".