Aktrisa üçün ən önəmli şey odur ki, unudulmasın. Mənə səmimiyyət, məhəbbət, hörmət lazımdır.

Axar.az xəbər verir ki, bu sözləri xalq artisti Zərnigar Atakişiyeva "Ay Zaur" verilişində qonaq olarkən deyib.

"Bəzən restoranlarda oturub yemək yeyirəm. Yeməyə görə yox, istəyirəm ki, kimsə mənə qulluq etsin. Darıxıram, amma şükür ki, qapımı döyənlər var. Məni axtaran insanlar çoxdur. Aktrisa üçün ən önəmli şey odur ki, unudulmasın. Mənə səmimiyyət, məhəbbət, hörmət lazımdır, məni yaşadan odur.

Azərbaycan xalqını çox sevirəm. Ömrüm teatrda alqışlar arasında keçib. Məni belə gümrah saxlayan tamaşaçılarımın hələ də məni sevməsi, məni görəndə sevinməsi, tanımasıdır. Özümü sənətkar adlandırmıram, sənətkar başqa şeydir. Amma mən bir aktrisa kimi çox tanındım. O alqışlar mənim taleyimi dəyişdi. Mən o sevgini görəndən sonra sənətdən gedə bilməzdim. Nə olubsa, insanın öz taleyidir, alın yazısıdır. Yazılar yazılır, onunla hesablaşmaq lazım deyil".