Xoşqədəm Hidayətqızı "Günəşli" yatağında baş verən qəzadan qurtulanlara baş çəkmək üçün xəstəxanaya gedib.

Axar.az xəbər verir ki, aparıcı bu haqda rəsmi İnstaqram səhifəsində məlumat verib. O, hadisəyə görə böyük sarsıntı keçirdiyini bildirib:

"Bir az var ki, xəstəxanadan gəlmişəm. Mən artıq 6 ildir insan talelərini araşdırıram. Həmişə kədərli insan talelərini çəkəndə hiss edirdim ki, qəlbimdən bir tel qırılır. Bu gün saatlarla ölüm və yaşam arasında qalan insanları dinləyərkən bir daha möcüzənin şahidi oldum. Yaxınlarınızı sevin, əllərindən möhkəmcə yapışın! Unutmayın, yatıb oyanmamaq, oyanıb tapmamaq var".