Həyatda necə varsansa, efirdə də elə görünməlisən.

Bu sözləri aparıcı Fərid Rəsulov "İş həmişə var" verilişinin uğurları haqda Axar.az-a danışarkən deyib. O, uğurlarını efirdə səmimi olması ilə əlaqələndirib:

"Uğurun sirri mənim üçün efirdə də həyatda olduğum kimi görünməkdədir. Mən verilişin hər seriyasında işlədiyim sahəni təmsil edirəm. Onlar kimi geyinib, onlar kimi danışıram. Xalqın dilində, camaatın başa düşəcəyi tərzdə danışıram.

Buna görə də indi "İş həmişə var" teleməkanın ən fərqli layihəsi olmaqla yanaşı, həm də ən reytinqli verilişlərindən biridir. Biz bu verilişlə sübut etdik ki, tanınmış sənətçilər və şou-biznes olmadan da uğurlu, faydalı, reytinqli proqram hazırlamaq olar".