Məncə, radioda aparıcılıq etmək daha çətindir.

Bu sözləri aktrisa Gülay Hüseynova aparıcılıq fəaliyyəti haqda Axar.az-a danışarkən deyib. O, televiziyada da aparıcılıq etmək istədiyini bildirib:

"Düşünürəm ki, radioda aparıcılıq etmək, telekanallarda aparıcılıq etməkdən qat-qat çətindir. Çünki TV-də tamaşaçı sənin özünü görür və canlı yayımda olan hər hansı problemdən bir jestlə çıxa bilirsən. Amma bu, radioda mümkün olmur.

Mən TV-lərdən gələcək olan təkliflərə də açığam. Amma əlbəttə ki, sanballı bir veriliş olarsa, orada çalışmağa razılıq verərəm. Ümumiyyətlə, xaraktercə problemləri sevmədiyim üçün daha çox pozitiv bir veriliş aparmaq istəyirəm".