Həmin müəllim o sırtıq şagirdin, o gedənin atasının etmədiyini edib! Məni və qardaşımı atam qayışla ayağımızdan vururdu... oğlunu, qızını vaxtında döyməsəydi, indi dizinə döyərdi.

Axar.az xəbər verir ki, bu sözləri ANS-in keçmiş aparıcısı Aytən Səfərova Sumqayıtda şagirdini döyən müəllimin hərəkətinə münasibət bildirərkən deyib. Aparıcının tənqidlərə məruz qalan fikirlərini təqdim edirik:

"Sumqayıtda müəllim şagirdi döyüb! Gör o müəllimi nə həddə çatdırmaq lazımdır ki, aya 150 manata hər gün məktəbə yarıac, yarıtox ayaq döyən bir ailə başçısı buna əl atsın. Həmin müəllim o sırtıq şagirdin, o gedənin atasının etmədiyini edib! Məni və qardaşımı atam qayışla ayağımızdan vururdu... oğlunu, qızını vaxtında döyməsəydi, indi dizinə döyərdi. Məktəblərdə o qədər sırtıq, valideyn tərbiyəsi görməyən, sanki meşədən sivilizasiyaya çıxan, sözlə izaholunmaz dərəcədə axmaq uşaqlar var ki... Hamı Ramil Səfərovu qınayırdı Qurgeni baltaladığına görə... Görün nə həddə çatdırmaq lazım idi ki, gözünə heç nə görünməyib belə addım atsın. O müəllimə mən yalnız səbir diləyirəm. Bizsə düzələn deyilik. Hətta toylarda əlində çubuq olan sərpayısı olan xalqlardanıq. Düzəlmək üçün yun çubuğunu mütləq özümüzə vurdurmalıyıq sanki. Xoş danışanı qorxaq sanırıq, saymayanı başımıza oturduruq, özümüzə hörmət qoymuruq... nə vaxt düzələcək?!"