Arxeoloqlar 1848-ci ildə Misirin Abidos bölgəsində firon I Setinin ehramının girişində sirli heroqliflər tapırlar.

Axar.az xəbər verir ki, həmin vaxt alimlər sirli simvolları deşifrə edə bilmirlər.

Hadisədən 150 il keçəndən sonra dünya bu məsələ ilə bağlı yenidən tanış olur. Qəzetlərin birində "Karnaka" ehramı başlığı altında bu mətn yer alır:

"Siz nə düşünürsünüz, qədim Misirdə döyüş təyyarəsi olub?"

Tapılan sirli simvollar arasında vertolyot, təyyarə və sualtı gəmilər aydın görünürdü. Simvollar barədə mübahisələr bu gün də davam edir.

Karnaka və Abidos tapıntılarından əlavə, Tibet, Hindistan, Çin və Peru kimi qədim yaşayış məskənlərinin olduğu ərazilərdə də təyyarə simvollarına rast gəlinir.

Qədim Misirin "Piramida mətnləri"ndə deyilir ki, "firon havada səyahət edir və yerin ətrafında uçur".

Arxeoloqlar düşünür ki, qədim misirlilər ya müasir texnologiyalara bələd idilər, ya da burada qeyri-adi qüvvə, ola bilsin yadplanetlilərin əli var.