Şən və məzəli mahnıları ilə daim gündəmdə olan tanınmış bəstəkar Elçin İmanov şəhidlərimizin ruhuma hörmət əlaməti olaraq öz mahnılarının sosial şəbəkələrdə paylaşılmasına sərt reaksiya verib.

Axar.az-ın məlumatına görə, bəstəkar bu haqda özünün Feysbuk səhifəsində yazıb:

"Bütün dostlarıma səslənirəm. Əgər siz həqiqətən mənim dostumsuzsa, mənim mənsub olduğum xalqa hörmətlə yanaşın, mənim bəstələdiyim şən əhval-ruhiyyəli mahnıları paylaşmayın. Məgər indi vaxtıdır?"

Elçin İmanov dostlarına sərt şəkildə xəbərdarlıq edib:

"Xəbərdarlıq edirəm ki, bu müraciətdən sonra həmin paylaşmalar davam edərsə, bunu xalqıma, onun kədərinə qarşı, həlak olan oğlanlarının ruhuna qarşı təxribat kimi qiymətləndirəcəm".