Tanınmış aparıcı Aytən Səfərovanın ANS telekanalından ATV-yə keçmə səbəbi qismən də olsa məlum olub.

Axar.az İnteraztv.com-a istinadən xəbər verir ki, ANS kanalından ayrılmasını aparıcı yazdığı bir şərhdə belə izah edib:

"Bilirsiniz ki, mən efirdə Mətanəti (Mətanət Əliverdiyevanı nəzərdə tutur- red) söymədim, təhqir etmədim deyə, mənə nə boyda təpki oldu? Hamilə ikən orada nə boyda əsəb, gərginlik və stress yaşatdılar mənə (ANS rəhbərliyini nəzərdə tutur – red).

Bilmədiyiniz şeyləri heç vaxt deməyin. Mən pula görə ANS-dən getsəydim, 2009-cu ildən gedərdim".

Qeyd edək ki, may ayında Binəqədi rayonunda 16 mərtəbəli binada baş vermiş yanğın zamanı "Gündəlik" verilişinin aparıcısı Mətanət Əliverdiyevanın efirdə dediyi sözlər etiraza səbəb olmuşdu. Onun hadisəni "Bir külək idi, oldu keçdi" deyərək şərh etməsi cəmiyyətdə birmənalı qarşılanmamışdı.

Bundan sonra ANS telekanalı ATV-yə, xüsusilə də 18 il ANS-də çalışan, sonradan ATV-yə keçən eks-əməkdaşına qarşı sujet hazırlamışdı.