Ana səhifə Kult Musiqi |
Bu gün ordumuz yüksək zirvələri fəth edib, amma oğullarımız şəhid olub.
Axar.az xəbər verir ki, bu sözləri jurnalistlərin suallarını cavablandıran əməkdar artist Gülüstan Əliyeva cəbhə bölgəsində olan gərginlik haqda danışarkən deyib. O, özünün də şəhid ailəsi olduğunu bildirib:
"Müğənnilərimizin gedib konsert verməsinin əleyhinəyəm. 1994-cü ildən indiyə kimi bütün cəbhə bölgəsində olmuşam. İstər müğənni, istər müəllim, istər yardım edən bir insan kimi oralara getmişəm. Əsgərlərimiz var idi ki, ayaqlarına geyinməyə çəkmələri yox idi, cırıq ayaqqabı ilə döyüşürdülər. Hər il bayramda əsgərlərlə görüşmüşəm. Bu gün ordumuz yüksək zirvələri fəth edib, amma oğullarımız şəhid olub. Gedib orada necə konsert vermək olar? Dostunu itirən əsgər nə anlayacaq oxuyandan? Bunu düşünmək lazımdır. Ani hallardan istifadə edib, nəsə qazanmağa çalışmasınlar. Gedib cəbhədə şou göstərib, çəkib İnstaqrama qoymağın yeri yoxdur. Gedib oturun, söhbət edin, bu, daha yaxşı addımdır".
Tarix
2016.04.15 / 18:14
|
Müəllif
Dilarə Zamanova
|