Türkiyəli professor Şener Üşümezsoyun bir ay öncə verdiyi proqnoz bu gün özünü doğruldub.

Axar.az "CNN Türk"ə istinadən xəbər verir ki, Şener Üşümezsoy bir ay öncə Türkiyənin Balıkesir bölgəsində zəlzələ olacağını bildirmişdi.

Üşümezsoy qeyd edib ki, Balıkesirdə zəlzələlər nadir hallarda 6,5 balı keçir.

"Sındırqıdan Alaşehirə uzanan daha aktiv bir fay xətti var. 25 kilometrlik bir qırılma xətti var. O xətt aktivdir. Sındırqıdan Alaşehirə qədər uzanan bir qırılma xətti var, o daha aktivdir" - deyə professor qeyd edib.

İyulun 16-da verdiyi açıqlamada Üşümezsoy böyük bir İstanbul zəlzələsini gözləmək əvəzinə diqqətin Balıkesir bölgəsinə yönəlməsi lazım olduğunu vurğulamışdı. 1953-cü il Yenice-Gönen zəlzələsindən sonra bu fay xətti boyunca gərginlik yığılıb qamışdı. Üşümezsoy bölgədə böyük zəlzələ ehtimalının yüksək olduğunu bildirib.

Qeyd edək ki, bu gün Balıkesirdə 6,1 bal gücündə zəlzələ baş verib.