Avropa və xüsusilə Almaniya 1990-cı illərdə Rusiyanın NATO-ya daxil olmasının qəti əleyhinə çıxıb.

Axar.az xəbər verir ki, bu barədə "Der Şpigel” məlumat yayıb.

Nəşrin yazdığına görə, 1994-cü ildə Amerika Prezidenti Bill Klinton Rusiyanı NATO-ya qəbul etməyi ciddi şəkildə düşünürdü və o zaman Rusiyanın prezidenti olan Boris Yeltsinlə məsələni müzakirə edirdi.

Jurnal 1994-cü ildə NATO ölkələrinin keçmiş Varşava Müqaviləsi dövlətlərini alyansa qəbul etmək barədə fundamental qərar qəbul etdiyi vaxta aid məxfi sənədləri təhlil edib. Bu sənədlərə kansler Helmut Kolun Klintona məktubları, Moskva və Vaşinqtondakı alman diplomatların hesabatları, xarici işlər naziri Klaus Kinkelin rəsmi sənədləri daxildir.

Vurğulanıb ki, 1994-cü il yanvarın 15-də ABŞ dövlət katibinin müavini Strob Talbot NATO-nun Brüsseldəki mənzil-qərargahına gələrək alyans ölkələrinin toplanmış səfirlərini Klintonun mövqeyi barədə məlumatlandırıb:

"Amma indi mövcud olan sənədlər Klinton və Talbotun ciddi müqavimətlə üzləşdiyini göstərir. Klintona Kol hökumətinin başçılıq etdiyi avropalı müttəfiqləri də etiraz edirdi. Rusiyanın NATO-ya üzvlüyünə gəldikdə, Almaniya hökuməti "beton kimi sərt idi”.