Rusiyanın Ukraynaya gecə hücumu zamanı qətliam qəsdən törədilmiş cinayət və müharibənin uzanmasıdır.

Axar.az xəbər verir ki, bunu Ukrayna Prezidenti Vladimir Zelenski Rusiyanın son gecə hücumları ilə bağlı deyib.

“800-dən çox pilotsuz təyyarə, 13 raket, o cümlədən dörd ballistik raket. Kiyevdə yaşayış binaları dağıdılıb. Hələlik iki nəfərin öldüyü məlumdur, onlardan biri uşaqdır. Zaporojyedə 20-dən çox ev və uşaq bağçasına ziyan dəyib. Krivoy Roqda ticarət anbarları dağılıb. Sum və Çerniqov vilayətlərində insanlar həlak olub. Odessada çoxmərtəbəli binada partlayış olub. Son 24 saat ərzində bir çox bölgə zərər çəkib”, - Zelenski bildirib.

Zelenski Qərbi Rusiyaya qarşı hərəkətə keçməyə çağırıb:

“Vaşinqtonda dəfələrlə deyilib ki, danışmaqdan imtinaya görə sanksiyalar olacaq. Biz Parisdə razılaşdırılmış hər şeyi həyata keçirməliyik. Həmçinin hava hücumundan müdafiəmizin gücləndirilməsi ilə bağlı bütün razılaşmaların həyata keçirilməsinə ümid edirik. Hər bir əlavə sistem mülki insanları bu çirkin hücumlardan xilas edir. Dünya Kremlin cinayətkarlarını öldürməyi dayandırmağa məcbur edə bilər, sadəcə siyasi iradə lazımdır”.