Moldova müxalifəti respublikanın Qaqauz muxtariyyətinin hüquqlarına uzun müddətdir riayət edilmədiyini görür və Kişinyov muxtariyyətin ləğvi istiqamətində addımlar atır.

Axar.az xəbər verir ki, bunu Moldova müxalifətinin “Qələbə” blokunun lideri İlan Şor deyib.

"Bu, uzun müddətdir hüquqlarına hörmət edilməyən bir bölgədir və bu gün biz açıq şəkildə başa düşürük və görürük ki, hakimiyyət Qaqauz muxtariyyətini ləğv etmək istəyib. Onların hansı addımlar atacağını bu gün demək çətindir. Çox müxtəlif hüquqi yollar və edilə biləcək məqamlar var. Amma hər şeyi etmək lazımdır ki, mövcud Qaqauz kimliyini qoruyub saxlayaq. Biz də bunu edəcəyik", - deyə o bildirib.