Bu gün Türkiyə həm ölkə daxilində, həm də regional bölgədə öz oyununu qurmaq və onu həyata keçirmək gücünə malik bir dövlətdir. Heç bir təxribat bizi yolumuzdan döndərə bilməz. Biz tələyə düşmərik, təxribata uymarıq. Diplomatiyanın dili nəzakətdir. Türkiyənin xarici siyasəti də sülhə əsaslanır.

Axar.az xəbər verir ki, bu sözləri Türkiyə prezidenti Rəcəb Tayyib Ərdoğan deyib.

“Bu o demək deyil ki, biz bu haqsızlıqlar qarşısında susacağıq. Bu gün də, sabah da dimdik duracağıq. Biz nə zülmə boyun əyərik, nə də zalım qarşısında geri çəkilərik. Qəzzalı məzlumların yanında olmağımıza heç kim mane ola bilməz. İstər cinayətkar bir təşkilat olsun, istərsə də bir dövlət. Qətliam ağlın kilidlənməsi deməkdir. Bu qanlı kilid, inşallah, gec-tez qırılacaqdır”, - deyə Ərdoğan bildirib.