Misir liderləri İsraillə sərhədə yaxın Sinay yarımadasında hərbi mövcudluğunu artırdıqları və hərbi infrastrukturu inkişaf etdirdikləri barədə xəbərləri təkzib edirlər.

Axar.az xəbər verir ki, bu barədə Misirin dövlət xəbər xidməti məlumat yayıb.

"Sinayda hərbi mövcudluq ilk növbədə Misirin sərhədlərini qorumaq, orada terror hücumlarının qarşısını almaq və qaçaqmalçılıq fəaliyyətlərini cilovlamaq üçün lazımdır. Misir İsraillə sülh sazişinin bütün müddəalarına sadiq qalır", - bəyanatda deyilib.

Qahirə Qəzza zolağında hərbi əməliyyatların genişləndirilməsini qətiyyən qəbuledilməz hesab etdiyini və fələstinlilərin öz ərazilərindən çıxarılması planlarını bəyənmədiyini təkrarlayıb.

Qeyd edək ki, daha öncə “Axios” nəşri İsrailin Misirin hərbi mövcudluğunu artırmasından narahat olduğunu və bunun üçün ABŞ-dan Qahirəyə təzyiq göstərmək istədiyi haqda xəbər yayıb.