30 yaşlı Rakeş Kumar təhsil vizası ilə Sankt-Peterburqa gəlsə də, bir müddət sonra ailəsinə onun zorla Rusiya ordusuna çağırıldığını və Donbasa göndərildiyini bildirib. Daha sonra onun pasportu və sənədləri əlindən alınıb. Kumar yalnız qısa müddətə ailəsi ilə əlaqə saxlayıb, sonra isə əlaqə tamamilə kəsilib.

Axar.az xəbər verir ki, hadisədən sonra Rakeş Kumarin yaxınları Hindistanın Xarici İşlər Nazirliyinə və ölkənin Moskvadakı səfirliyinə müraciət ediblər.

“Tayms of İndia”nın məlumatına görə, bu ilk hal deyil. İndiyədək ən azı 20 hindistanlı aldadılaraq Ukraynaya qarşı müharibədə iştiraka cəlb olunduqlarını bildirib.