Ukrayna Təhlükəsizlik Xidmətinin “Hörümçək toru” əməliyyatının arxasında Britaniya kəşfiyyatı dayanırdı.

Axar.az xəbər verir ki, bunu Rusiya Federal Təhlükəsizlik Xidmətinin direktoru Aleksandr Bortnikov deyib.

“Britaniya kəşfiyyatının birbaşa nəzarəti altında Ukrayna və Rusiya nümayəndə heyəti arasında İstanbul danışıqlarından bir qədər əvvəl Ukrayna kəşfiyyatı “Hörümçək toru” əməliyyatı həyata keçirib”, - o bildirib.

Qeyd edək ki, iyunun 1-də Ukrayna kəşfiyyatı tərəfindən həyata keçirilən “Hörümçək toru” əməliyyatı nəticəsində Rusiyanın dörd aerodromunda strateji bombardmançı təyyarələr vurulub. Bu əməliyyat zamanı Rusiyanın əsas aerodromlarında yerləşən qanadlı raket daşıyıcılarının 34 faizi sıradan çıxarılıb.