ABŞ Prezidenti Donald Tramp tərəfindən təklif edilən Qızıl Qübbə raketdən müdafiə sistemi Rusiyanın yüksəkdəqiqlikli "Burevestnik" raketini ələ keçirə bilməyəcək.

Axar.az xəbər verir ki, bu fikri Britaniyanın "Spektator" jurnalının köşə yazarı Mark Qaleotti məqaləsində qeyd edib.

"Reaktoru ona ənənəvi qanadlı raketlər üçün əlçatmaz məsafələri qət etməyə və 50 metrə qədər yüksəklikdə manevr etməyə imkan verir. Bu o deməkdir ki, o, Donald Trampın öyündüyü Qızıl Qübbə sistemi də daxil olmaqla, raketdən müdafiə sistemləri tərəfindən ələ keçirilə bilməz", - deyə o bildirib.

Qeyd edək ki, bir neçə gün öncə Rusiya Prezidenti Vladimir Putin nüvə enerjili, qeyri-məhdud mənzilli “Burevestnik” qanadlı raketinin sınaqlarının başa çatdığını elan etmişdi.