Polşa Rusiyanın İl-20 kəşfiyyat təyyarəsinə görə MiQ-29 qırıcı təyyarələrini havaya qaldırıb. Bu, bir həftə ərzində baş verən üçüncü belə hadisədir.

Axar.az xəbər verir ki, bu barədə Polşa Silahlı Qüvvələrinin Əməliyyat Komandanlığı məlumat yayıb.

Bildirilib ki, Polşa qırıcı təyyarələri bu gün, 31 oktyabrda, İl-20 təyyarəsinin Baltik dənizi üzərində görünməsindən sonrakı səhər havaya qaldırılıb.

"Rusiya təyyarəsi yenidən uçuş planı olmadan və transponderi söndürülmüş vəziyyətdə uçurdu ki, bu da regionda aviasiya məkanına potensial təhlükə yaradırdı. Polşa pilotları NATO prosedurlarına uyğun olaraq xarici təyyarəni müşayiət ediblər", - deyə bildirilib.