Avropa Birliyi dekabr ayında Lvovda keçiriləcək sammitdə Ukraynanın bloka qoşulması məsələsini müzakirə etməyi planlaşdırır.

Axar.az xəbər verir ki, bu barədə “Politiko” məlumat yayıb.

“Brüssel Ukrayna və Moldovanın AB-yə qoşulmaqla bağlı irəliləyişləri üçün yeni plan hazırlayır. Plana əsasən, Ukrayna və Moldova rəsmi AB təsdiqini gözləmədən üzvlük üçün zəruri olan praktiki islahatlar üzərində işləməyə başlayacaq və bununla da Macarıstanın veto hüququndan yayınacaqlar. AB Baş nazir Viktor Orbanın partiyasının apreldə keçiriləcək parlament seçkilərində uduzacağı təqdirdə Macarıstanın veto hüququnu ləğv etməyə ümid edir”, - məlumatda qeyd olunub.