Bu bölgəni daha çox əhali və tikinti ilə yükləyə bilmərik. İnkişaf mümkündür, amma su problemini həll etmək olmur. Paytaxt Tehranın köçürülməsi məsələsi artıq qaçılmazdır.

Axar.az xəbər verir ki, bunu bu gün İran Prezidenti Məsud Pezeşkian Qəzvin əyalətinə səfəri çərçivəsində deyib.

“Əvvəlki illərdə bu təşəbbüs üçün büdcə kifayət etmədiyi üçün layihə icra olunmayıb, lakin hazırkı vəziyyət ölkəni alternativsiz qoyur”, - Pezeşkian bildirib.

Fars körfəzindən Tehrana su gətirmək variantının nəzərdən keçirildiyini vurğulayan Pezeşkian açıqlayıb ki, hər kubmetr suyun qiymətinin təxminən 500 min tümənə (4.05 $) başa gəlməsi bu planın iqtisadi cəhətdən məntiqsiz olduğunu göstərir.