HƏMAS-ın Siyasi bürosunun üzvü İzzət ər-Rişq İsrailin hərəkatın atəşkəsi pozması ilə bağlı yaydığı iddialara cavab verib.

Axar.az xəbər verir ki, bu barədə “TRT Haber” məlumat yayıb.

Rişq vasitəçilərdən və ABŞ administrasiyasından İsrailə təzyiq göstərilməsini istəyib.

O, ABŞ-a atəşkəs razılaşmasının başa çatdığını bəyan etməsi ilə bağlı yayılan xəbərlərə aydınlıq gətirib:

“İsrail mənbələrinin HƏMAS-ın guya ABŞ Prezidenti Donald Trampın Yaxın Şərq üzrə xüsusi nümayəndəsi Stiven Uitkoffa anlaşmanın bitdiyini bildirdiyi haqda iddialarının heç bir əsası yoxdur”.

Qeyd edək ki, daha öncə HƏMAS-ın ABŞ-a Qəzzada atəşkəs razılaşmasının müddətinin bitdiyini və hərbçilərin əməliyyatlara hazır olduğunu bildirdiyinə dair məlumat yayılmışdı.