Rusiya Prezidenti Vladimir Putin Türkiyə Prezidenti Rəcəb Tayyib Ərdoğanla telefon danışığı aparıb.

Axar.az xəbər verir ki, bu barədə Kremlin mətbuat xidməti məlumat yayıb.

Tərəflər Ukrayna ətrafındakı vəziyyəti, o cümlədən ABŞ-ın nizamlama təkliflərini müzakirə ediblər:

“Putin Ərdoğanla söhbətində Rusiyanın Ukrayna böhranının siyasi və diplomatik yolla həllində maraqlı olduğunu bir daha təsdiqləyib. Rusiya lideri Türkiyə prezidenti ilə söhbətində vurğulayıb ki, ABŞ-ın Ukrayna barədə təklifləri hazırkı formada razılaşma üçün əsas ola bilər. Putin və Ərdoğan həmçinin Ukrayna dosyesi üzrə müxtəlif səviyyələrdə Rusiya-Türkiyə təmaslarını intensivləşdirmək barədə razılığa gəlib”.