2025.12.18 - 23:19

Şimali Karolina ştatında iki mühərrikli “Cessna 550” təyyarəsi qəzaya uğrayıb.

Axar.az xəbər verir ki, bu barədə “Foks Nyus” məlumat yayıb.

Bildirilib ki, təyyarə Ayrdell dairəsindəki hava limanından qalxdıqdan qısa müddət sonra qəzaya uğrayıb. Təyyarə “GB Aviation Leasing” şirkətinə məxsus olub.

Qəzada ölənlər var, lakin onların sayı və şəxsiyyətləri hələlik açıqlanmayıb. Milli Nəqliyyat Təhlükəsizliyi Şurası (NTSB) qəzanı araşdırır.

***

Keçmiş NASCAR (avtomobil yarışı) pilotu Qreq Bifflə məxsus “Cessna C550” biznes təyyarəsi Şimali Karolinada Steytvil hava limanına eniş edərkən uçuş-enmə zolağının sonunda qəzaya uğrayıb.

Hadisə nəticəsində altı nəfər - iki heyət üzvü və 4 sərnişin - həyatını itirib.

Ölən sərnişinlərin Biffl, həyat yoldaşı Kristina, oğlu Rayder və qızı Emma olduğu təsdiqlənib.