Avropa Birliyi (AB) ölkələri Qrenlandiya ətrafındakı vəziyyətin inkişaf ssenarilərini və Amerika tərəfindən Danimarkaya məxsus adanın mənimsənilməsi ilə bağlı bəyanatların real olduğu təqdirdə ehtimal olunan cavab tədbirlərini müzakirə ediblər.

Axar.az xəbər verir ki, bu barədə Avropa Komissiyasının vitse-prezidenti Kaya Kallas deyib.

"Danimarka Amerika Birləşmiş Ştatlarının müttəfiqi olduğuna görə, bütün bu bəyanatlar dünyada sabitliyə kömək etmir. Beynəlxalq hüquq bu məsələləri çox aydın şəkildə tənzimləyir və biz ona əməl etməliyik, çünki bu, kiçik ölkələri qoruyan yeganə şeydir", - deyə Kallas bildirib.