Fransa, Almaniya və Birləşmiş Krallıq liderləri birgə bəyanatda İranda etirazçıların qətlə yetirilməsini pisləyib və ölkə hakimiyyətini təmkinli olmağa çağırıblar.

Axar.az xəbər verir ki, bu barədə “Le Fiqaro” qəzeti məlumat yayıb.

Fransa Prezidenti Emmanuel Makron, Almaniya kansleri Fridrix Merz və Böyük Britaniya Baş naziri Keyr Starmer tərəfindən imzalanan sənəddə deyilir:

“İran təhlükəsizlik qüvvələri tərəfindən törədilən zorakılıq xəbərlərindən dərin narahatlıq keçiririk və etirazçıların qətlə yetirilməsini qətiyyətlə pisləyirik".

Üç Avropa ölkəsinin liderləri İran hakimiyyətini təmkinli olmağa, zorakılıqdan çəkinməyə və İran vətəndaşlarının fundamental hüquqlarına hörmət etməyə çağırıblar.