Britaniya hökuməti terrorizm, mütəşəkkil cinayətkarlıq və fırıldaqçılıqla mübarizə aparacaq yeni qurum — Milli Polis Xidmətinin yaradılmasını planlaşdırır.

Axar.az xəbər verir ki, bu barədə “Quardian” qəzeti məlumat yayıb.

Böyük Britaniyanın daxili işlər naziri Şabana Mahmud yeni qurumu ABŞ-ın Federal Təhqiqat Bürosunun (FTB) analoqu kimi xarakterizə edib.

Nazirin sözlərinə görə, Milli Polis Xidməti ağır cinayətlərin araşdırılması üzrə əsas səlahiyyətləri öz üzərinə götürəcək və bu məqsədlə ən müasir texnologiyalardan istifadə olunacaq. Yeni qurumun yaradılması yerli polis orqanlarının yükünü azaltmağa imkan verəcək.