Ukraynanın Macarıstandakı səfiri bu ölkənin Xarici İşlər Nazirliyinə çağırılıb.

Axar.az xəbər verir ki, bu barədə Macarıstanın xarici işlər naziri Peter Siyarto X səhifəsində yazıb.

Onun sözlərinə görə, buna səbəb Ukraynanın Macarıstanda seçkilərə müdaxilə etməsi, o cümlədən Kiyevin seçkilərin nəticələrinə və seçki prosesinə təsir etmək cəhdləridir.

"Son həftələrdə Ukrayna prezidenti və hökuməti açıq, həyasız və aqressiv müdaxilə kampaniyası aparır. Onların məqsədi aydındır - "Tisa" partiyasının xeyrinə Macarıstanda seçkilərə təsir göstərmək", - P.Siyarto bildirib.

Qeyd edək ki, bundan öncə Baş nazir Viktor Orban Ukrayna səfirinin çağırılması barədə XİN-ə tapşırıq verdiyini açıqlamışdı.