Livanın cənub və şimal rayonları İsrailin genişmiqyaslı hava hücumlarına məruz qalıb, yerüstü hədəflərə ən azı 10 zərbə endirilib.

Axar.az xəbər verir ki, bu barədə "Lebanon 24" xəbər portalının məlumatında deyilir.

Bildirilib ki, hava hücumlarının əksəriyyəti Hizbullaha məxsus hərbi infrastruktur obyektlərinin yerləşdiyi cənubi Cezzin rayonundakı Mahmudiyyə rayonuna yönəlib.

Şimalda isə Hermel bölgəsindəki təlim bazaları və silah anbarları da bombalanıb. Tələfat barədə məlumat verilməyib.

Livan Daxili İşlər Nazirliyinin məlumatına görə, yanvar ayının əvvəlindən bəri İsrailin Livana hücumları nəticəsində ölənlərin sayı 29 nəfərə çatıb.