İran İslam İnqilabı Keşikçiləri Korpusu (SEPAH) altıncı hücum dalğası ilə ABŞ və İsrailin bölgədəki onlarla hədəfinə hücum edib.

Axar.az xəbər verir ki, bu barədə SEPAH-ın İctimaiyyətlə Əlaqələr İdarəsinin məlumatında bildirilib.

Məlumata görə, hücum zamanı raketlər və dronlardan istifadə edilib.

"Hücuma məruz qalan hədəflər arasında ABŞ-ın bölgədəki 27 bazası, eləcə də İsrail Ordusunun ümumi komandanlığının qərargahı olan Təl-Nof bazası və Təl-Əvivdəki böyük müdafiə sənayesi kompleksi var idi", - açıqlamada bildirilib.

Qeyd edək ki, SEPAH Xameneinin öldürülməsinə cavab olaraq indiyə qədərki ən güclü hücum əməliyyatı elan edib.